आईच्या उदरातूबाहेर येताना आपण
कळेची झळ त्यालाही लागते..
तो बाप असला म्हणून काय
हृदय तेव्हा त्याचे ही फाटते...
गरीब असला तरी
हातानं खेळणं तो घडवतो...
श्रीमंत बाप पोरासाठी
वयाच्या आधीच खेळणं उभ करतो...
अडाणी बाप स्वतः अर्धपोटी राहतो
पण पोरांनी शिकाव म्हणून
मोलमजुरी करून
रक्त आपल आटवतो...
आजारी पडलो आपण की
जीव त्याचाही तळमळत असतो
रात्रभर येरझाऱ्या मारत
तो ही जगात बसतो ...
ठिगळ लावून स्वतः फिरतो
पण पोराला नवा सदरा आणतो..
गाडीत नाही बसवता आल
तरी खांद्यावरून पोराला शाळेत न्हेतो...
कठोर कधी बोलला तरी
पोटात माया धरून असतो..
झोपलेल्या पोराला न्याहाळताना
डोळ्यातलं पाणी सांडत बसतो...
शिक्षण ,कॉलेज झाल्यावरही
नोकरीसाठी मागे लागतो..
भविष्य घडावे तुमचे
एवढाच त्याचा स्वार्थ असतो....
नका दूर करू त्याला
खरा आधार तोच असतो..
कितीही कठोर असला तरी
बाप हा शेवटी बाप असतो...
मानसी आंब्रे 🌹
अप्रतिम सुंदर
उत्तर द्याहटवाखरंय .बापाच्या काळीज मुलगी जास्त जाणते.
उत्तर द्याहटवा